చిన్న సంఘటనే

చిన్న సంఘటనే

అదొక చిన్న సంఘటనే,
ఉబికి ఉబికి లావాలా ఉప్పొంగి,
అందరినీ ఆశ్చర్యంలో ముంచెత్తింది,
ఏమిటా అని అట్టడుగున అడుగేస్తే,
ఏళ్ల తరబడి అణిచివేయబడ్డ అసంతృప్తి,
తరాలుగా తల్లడిల్లుతున్న అసహాయత,
విధి రాతతో రాయబడ్డ వివక్షతతో,
విసిరివేయబడ్డ ఎన్నో సంఘటనలు,
అడుగడుగుకి అడ్డుతగిలాయి…..
అణగారిపోయిన ఆశ,
నిరాశను రగిల్చి,
ఆ చిన్న సంఘటన రూపంలో,
ఒక్కసారిగా విరుచుకుపడింది,
రాద్ధాతం చేస్తున్నారన్న ఎన్నో నోళ్లకు,
కళ్ళు, కాళ్ళు లేవుగా,
పునాదులలో వెతకలేని పరిష్కారాలు ప్రశ్నలేగా?
వ్యవస్తలో ప్రశ్నల వలయాలను చేదించటానికి,
ఆరంభం ఆ చిన్న సంఘటనే,
అది వ్యక్తియినా, కుటుంబమయినా, సమజమయినా..