పారిస్ ట్రిప్


పారిస్ ట్రిప్

ప్రపంచపు అందాలను చూడాలి.  రకరకాల మనుష్యులను, వారి వారి ఆచారాలను, వ్యవహారాలను, వ్యక్తిత్వాలను అర్థం చేసుకోవాలి. కోరికల లిస్టుదేముంది, చాంతాడంత ఉంటుంది. ఇలాంటి కోరికలు తీరాలంటే డబ్బు, టైం, అవకాశం చాలా కలిసి రావాలి.

చాన్నాళ్ళ నుంచీ ఎక్కడికైనా ట్రిప్ కి వెళ్దానుకుంటున్నాం. పిల్లలు ఈ వయసులో జంతువులను ఇష్టపడతారని మొదట కెన్యా  అనుకున్నాం. మేము కాంటాక్ట్ చేసిన ట్రావెల్ ఏజెంట్ లేడీ. బహుశా ఆవిడకు కూడా మా పిడుగుల్లాంటి పిల్లకాయలు ఉండిఉంటారు. వాళ్లనేసుకుని ఆవిడ కెన్యాకు వెళితే వాళ్ళు అక్కడ చుక్కలు కాకుండా టోటల్ గలాక్షి చూపించేసారేమో! పదేళ్ళ లోపు పిల్లలతో కష్టం అనేలా మాట్లాడింది. అలా ఆ ప్లాన్ డ్రాప్ అయింది. ఆ తర్వాత శ్రీలంక అన్నాను, అది కూడా కుదరలేదు.

పిల్లలు అన్నం సరిగ్గా తినలేదు, వాళ్లకు నిద్ర సరిపోలేదు లాంటి సీన్స్ నువ్వు చెయ్యను అంటే పారిస్, స్విస్ వెళ్దామననే ప్రపోసల్ వస్తే, నేను ఇప్పుడు కొంచెం ఎదిగానులే అంటూ ఫైనలైజ్ చేసేసాం.

స్నో జాకెట్స్, బూట్స్, గ్లోవ్స్ వగైరాలు షాపింగ్ చేసి, బియ్యం, పప్పు, ఎలేక్టిక్ కుక్కర్ (టిపికల్ ఇండియన్ మదర్🙂 ) సర్దుకుని బయలుదేరాం. రెండు టింకిల్ బుక్స్, నాకోసం అమరావతి కధల పుస్తకం హ్యాండ్ బాగ్యేజ్ లో సర్దేసా.

అన్నిటికన్నా ముఖ్యమైన నా కెమెరా బాగ్ ఎవరికీ ఇవ్వకుండా నేనే అతి భద్రంగా పట్టుకున్నా.

KLM లో రాత్రంతా ప్రయాణించి ఆమ్స్టర్డామ్ ఎయిర్ పోర్ట్ లో మరో ఫ్లైట్ మారి పారిస్ చేరాం. ఫ్లైట్ లో ఎందుకైనా మంచిదని రెండు వెజ్ చెపితే వాడు ఉడకబెట్టిన పాలకూర పెట్టాడు. మావాడు KLM వేస్ట్, ఎమిరేట్స్ బెస్ట్ అనేసాడు. ఎమిరేట్స్ లో  చీస్ దట్టించిన కిడ్స్ మీల్ ఉంటుందిగా.

ఆమ్స్టర్డామ్ లో వెయిటింగ్ అప్పుడు తీసిన ఫోటో.

DSC_0006

పారిస్ లో ల్యాండ్ అయ్యేటప్పుడు,

DSC_0028 పారిస్ ఎయిర్ పోర్ట్ లో మా టూర్ మేనేజర్ మమ్ముల్ని రిసీవ్ చేసుకున్నాడు. హోటల్కి వెళ్లి లంచ్ చేసి గబాగబా రెడీ అయి బయట పడ్డాం.  మొదట ఈఫిల్ టవర్ వెళ్ళాం. దర్జాగా ఇంతెత్తున నుంచున్న టవర్ పై నుంచీ సిటీ అందాలు….

ఆ తర్వాత Seine రివర్ క్రూజ్. చరిత్రను భద్రపరుచుకోవటం పారిస్ దగ్గర నుంచే నేర్చుకోవాలి.సీన్ నది చుట్టూ శతాబ్దాల నాటి భవనాల అందం ఒకెత్తయితే, ఎవరి ప్రపంచంలో వారు విహరిస్తున్న మనుష్యలు ఒకెత్తు.

People seems to be happy in their own world. Friends chatting, couple romancing, book readers, walkers…what not!  I loved to see these scenes.

ఆ క్రూజ్ అయ్యేసరికి రాత్రయిపోయింది. అయినా ఎండ మండిపోతూ ఉంది. సూర్యాస్తమయం రాత్రి తొమ్మిది, పది గంటలకు కానీ అవ్వదు. అప్పటికే నిద్ర లేకపోవటం, సరైన తిండి లేక ఒంట్లో ఓపిక పూర్తిగా అయిపోయింది నాకు.

అదృష్టమేమిటంటే, మంచి ఇండియన్ రెస్టారెంట్ కి తీసుకెళ్లారు ఆ పూట. డిన్నర్ అయ్యాక లోకల్ గైడ్ మాతో జాయిన్ అయి సిటీ టూర్ వేల్దామంది. బస్సు సిటీలో తిప్పుతూ ఏ బిల్డింగ్ ఏ సెంచురీలో కట్టారో, ఏ రాజు గారు కట్టించారో అనర్గళంగా చెప్పేస్తుంది. మొదట్లో కాస్త ఓపిక తెచ్చుకుని శ్రద్ధగా వినాలని  ప్రయత్నించాను.  నన్నోదిలేస్తే వెళ్లి నిద్రపోతా అన్నట్టుంది నా పరిస్తితి.  హెన్రీ  అదేదో నెంబర్, నెపోలియన్ మల్లి ఇంకో నెంబర్, ఫ్రెంచ్ రేవల్యుషన్ పదాలు సగం నిద్రలో పదే పదే వినిపించాయి.

అక్కడ నాకు నచ్చిన విషయం ఈ సైకిల్స్. ప్రతీ లేన్ లోను ఇలాంటి స్టాండ్స్ ఉన్నాయి. కార్డుతో డబ్బులు పే చేసి, దగ్గరలోని పనులన్నీ అవచేసుకుని మళ్ళి సైకిల్ అక్కడ పెట్టేయ్యొచ్చు. ట్రాఫిక్ సిగ్నల్స్ దగ్గర సైకల్స్ చూడటం భలే బాగుంది.

DSC_0066

ఇప్పుడు టైం ఎలాగూ రాత్రి 12 అయింది, సూర్యడు అస్తమించాడు, ఇంకొంచెం సేపట్లో ఈఫిల్ టవర్ ఇల్లుమినేషన్ ఉంటుంది, అది చూసుకుని వెళ్దాం అన్నారు. ఇంతలో బస్సు డ్రైవర్ టైం అయిపొయింది అనేసాడు. అక్కడ డ్రైవర్ సీట్ కింద టైం, స్పీడ్ ట్రాకర్ ఉంటుందంట. రోజుకి నిర్దేశించిన గంటల కంటే ఎక్కువ డ్రైవ్ చెయ్యకుడదంట.  భలే ఉంది కదూ, మన దగ్గర అలా ఉంటే బాగుండు.

We had a glance of Eiffel tower illumination.

DSC_0311

నెక్స్ట్ డే డిస్నీ ల్యాండ్…కిడ్స్ కుష్. డిస్నీ ల్యాండ్ చూడటానికి ఒక రోజు సరిపోదు. కనీసం రెండు రోజులన్నా ఉండాలి. పెద్దలు పిల్లలైపోయే ల్యాండ్ అది.

మూడో రోజు Lauvre మ్యూజియం వెళ్ళాం. ప్రపంచంలో మూడో అతి పెద్ద మ్యూజియం. తిండి నిద్ర లేకుండా ఒక్కొక్క మాస్టర్ పీస్ ను  మూడంటే మూడు సెకన్లు చూస్తూ వెళితే ఆ మొత్తం  మ్యూజియం చూడటానికి మూడు నెలలు పడుతుందంట. మా గైడ్ కొన్ని సెలెక్టెడ్ పెయింటింగ్స్ దగ్గరకు తీసుకువెళ్ళింది. Every painting tells many stories.

ఈ పెయింటింగ్ లో ముగ్గురు యోధులు యుద్ధానికి బయల్దేరుతున్నారు. ఆ ముగ్గురిలో ఒకరే తిరిగి వచ్చారు, ఎవరో చెప్పగలరా? కాస్త గమనించి చూడండి.

10532552_10202438802113320_4994045620714756544_n

కుడి చేతి వైపు, మొదటగా ఉన్న వ్యక్తీ మాత్రమే వీరుడిగా తిరిగొచ్చాడు. అతను తన కుడి కాలిని ముందుకు జాపాడు, మిగతా ఇద్దరూ తమ ఎడమ కాలిని ముందుకు పెట్టారు. ఎడమ కాలు మంచికి నిదర్శనం కాదంట వారి ఆచారంలో. అటు పక్కన స్త్రీలు దుఃఖిస్తూ ఉన్నారు. ఒకరి భర్త యుద్దానికి వెళ్ళేది తన అన్నపై, మరొకరి అన్న తన భర్త పై యుద్ధానికి వెళ్తున్నారు.

ఈ కింద పెయింటింగ్లోని స్త్రీ స్వేచ్ఛను, ప్రజాస్వామ్యానికి పప్రతినిధి. తుపాకీ పట్టుకున్న యువకుడు ధనికులను రేప్రేసేంట్ చేస్తే, మరో వైపు కాళ్ళ వద్ద ఉన్న యువకుడు పేదలను రేప్రేసేంట్ చేస్తాడంట .

DSC_0477

ఈ పెయింటింగ్స్ చూస్తూ గైడ్ చెపుతున్నది వింటుంటే –అసలు మనిషి సుఖపడిందేప్పుడు? అనాదిగా యుద్ధాలతోను, కుట్రలతోను బతికేసాడు అనిపిస్తుంది.

oops…I forgot to include Mona Lisa! I am updating the post. మోనాలిసా….లియనార్డో డావిన్సి ఎంతో ప్రేమించిన చిత్రం, మరెన్నో conspiracies తనలో దాచుకున్న పెయింటింగ్. ఆ పెద్ద గదిలో మనల్ని ఆకట్టుకునే విషయాలు, ఒక వైపు గోడకు అతి పెద్ద పెయింటింగ్ ఉంటుంది, మరో వైపు గోడకు అతి చిన్న పెయింటింగ్ మోనాలిసా. ఇక్కడ ఇన్ని అధ్బుతమైన పెయింటింగ్స్  ఉండగా ఒక్క మోనాలిసానే ఎందుకు ఫేమస్ అయింది అనిపిస్తుంది. అదే అడిగాను గైడ్ ని, ఆ సమాధానం కోసమే నేనూ వెతుకుతున్నాను అని నవ్వేసింది.  డావిన్సి ఈ పెయింటింగ్ ను మొదట ఒక బ్యాంకర్ కోసం చిత్రిచాలనుకున్నాడంట. ఆ  బ్యాంకర్ చాలా కాలం ఎదురు చూసి విసుగొచ్చి వదిలేసాదంట.  డావిన్సి ఈ చిత్రాన్ని అమితంగా ప్రేమించాడంట, ఎల్లవేళలా తన సంచిలోనే పెట్టుకుని తిరిగేవాడంట. చివరకు ఫ్రెంచ్ కింగ్ కు బహుమతిగా ఇస్తే, ఆ కింగ్ దానిని ఫేమస్ చేసాడంట. మోనాలిస గురించి ఇంకెన్నో విశేషాలు, నవ్వుతుందని, కాదు కాదు కోపంగా ఉందని, కనుబొమ్మలు లేవని. మరో ఆసక్తి కరమైన విషయం, పళ్ళు కనిపించకుండా నవ్వటం  ఆ రోజుల్లో స్త్రీలపై ఉండే నియమాలల్లో ఒకటంట. అందుకే మోనాలిసా అలా నవ్వుతుందని.

మోనాలిసా కళ్ళు మనం వెళ్తున్న వైపు తిరుగుతూ మనల్నే చూస్తున్నట్టు  ఉంటాయంట. నిజానికి ఆ పెయింటింగ్  ఫేమస్  అవటానికి ఆ రోజుల్లో మొదటగా వాడిన ఆ టెక్నిక్ కారణం అంటారు కొందరు. అలా చూడటానికి ఛాన్స్ ఉంటే కదా. ఇదిగో ఇంత రష్, పక్క నుంచీ చూసేసి వచ్చేసాం.

నాకు ఈ మ్యూజియం చాలా నచ్చేసింది. పైగా మా గైడ్ ఒక్కొక్క పెయింటింగ్ వెనుక కధలను చెపుతుంటే ఎంతో ఆసక్తిగా ఉంది. కానీ, మా పిల్లకాయలు మమ్ముల్ని పీకి పాకం పెట్టేసారు, సరిగ్గా వినను కూడా విననివ్వలేదు. ఈ బాబు, కొడుకులను డిస్నీ ల్యాండ్లో వదిలేసి నేనొక్కదాన్నే రావాల్సింది.

చర్చిలో కొన్ని ఫోటోలు

మన ఇండియా గేటులా వాళ్ళ పారిస్ గేటు

పారిస్ లో నచ్చిన విషయం…సిటీ అయినా కూడా పరుగులు, హడావుడి లేకపోవటం.

అంతే పారిస్ ట్రిప్ అయిపోయింది. మర్నాడు స్విస్ బయల్దేరాం.స్విస్ అంటే  స్వర్గామేనండి. నాకు సగం జీతం ఇచ్చినా పర్లేదు, అక్కడో ఉద్యోగం ఇస్తే ఎంచక్కా వెళ్ళిపోతాను. ప్రకృతికి దగ్గరగా, ప్రకృతిలో భాగంలా జీవించటం అంటే స్విస్ ….ఆ విశేషాలు మరో టపాలో.

This entry was posted in Photography, Uncategorized. Bookmark the permalink.

10 Responses to పారిస్ ట్రిప్

  1. amarendra says:

    Paris modati saari ’67 lo choosaa – an evening in paris lo..rendo saari ’89 lo nijamgaa choosaa..seine cruise, eifel ekkadam, rodlanta tega nadavadam..adi voka manchi anubhavam. Appudu akkada parichayam ayina rendu yaanaam kutumbaalu ippatikee snehamgaa touchlo undadam maro santosham

    ipudu moodo saari choopinchinanduku thanks..maro saari paris vellaali, luvre kosam

    • అమరేంద్ర గారు, నిజం luvre కోసం వెళ్ళాలి పారిస్. ఎన్ని యుద్దాలో, ఎంత రాచరికమో, ఎన్ని విశేసాలో, ఎంత చరిత నిక్షిప్తమై ఉందో ఆ గదులలో.
      ప్రయాణాలలో పరిచయాలు స్నేహాలుగా స్థిరపడటం భలే కదండీ. Thx for your response.

  2. Prem says:

    You missed versailles palace. It takes almost a days trip to visit palace and spend time in queens gardens. I doubt if kids would have enjoyed the trip. But, for a person who loves art and nature, it is must. May be in your next trip.

    • Prem @ initially we planed for Versailles palace too but for some reasons it got cancelled. Kids usually find it boring and bother us with their nagging🙂 Hopefully next time

      • Anonymous says:

        Versailles trip is the most memorable time in the entire trip. We went there by early morning 8:30-9.00 . And it’s amazingly serene..they have huge gardens with speakers playing western classical music. And hot coffee to go with it ! Just AMAZING !

  3. Prem says:

    If you could do some advanced planning, you don’t actually need a tour operator. Once you hire tour operator, you have to adjust your interests according to his time. We stayed in Paris in early 2005, just after our marriage, for about 10 days. We had great time going through metro trains there. I loved those trains over London Underground. As well, shopping at champs élysées street. Even road walks along seine river. But, I love London over Paris. May be @home feeling here.

    • True, for that matter exploring by our self lets us know about ppl and place and its all the more fun. Honey moon is far different than travelling with little kids. Some friends advised us to go there and just explore. But we were hesitating to do so for the reason of little ones. May be by next trip we all may grow🙂

  4. Wow!felt like I was there…wonderfull

  5. Pingback: స్విస్ స్వర్గం | ఆలోచనలు…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s