ఆకాశం


ఆకాశం 
download

చిన్నప్పుడు, ఆకాశమంటే ఏంతో ఇష్టం!
నీలం రంగును గుమ్మరించి
పలుచగా పరిచి
అక్కడక్కడా తెల్లటి మేఘాలను అలకరించినట్టు
తలపించే పగళ్ళు…..

చీకటి తెరకు
జాబిలిని తగిలించి
నక్షత్రాలను జల్లినట్టు
వెన్నెలను కురిపించే రాత్రుళ్ళు….

ఓహ్…ఎన్నెన్ని ఊహలో…..

ఇంద్రధనుస్సు రంగుల కధ తెలుసా?
నోటుబుక్కులోని తెల్లకాగితానికి రంగులద్దాక
వాటర్ కలర్ డబ్బాలో
మిగిలిన నీటి చుక్కలను
ఆకాశంలోకి విదిలిస్తే
అవే ఇంద్రధనుస్సు రంగులయ్యాయంట!

నల్లటి మబ్బుల్లో నీళ్ళుంటాయని
పాఠాలలో నేర్చుకున్నా
కురిసే ప్రతీ చినుకు అధ్బుతమే నాకు!

ఇప్పటికీ, ఆకాశమంటే అంతే ఇష్టం
అందాన్ని మించిన అనంతాన్ని
ఆ అనంతంలో ఇమిడీకృతమైన అందానికి
ప్రతీకైన
ఆకాశమంటే ఇప్పుడు ఇంకా ఇష్టం….

This entry was posted in కవితలు. Bookmark the permalink.

8 Responses to ఆకాశం

  1. chaithanya says:

    చిన్నప్పుడు ఆకాశం గురించి ఎన్ని సందేహాలో!ఆకాశం నీలం రంగులోనే ఎందుకుంది?చంద్రుడి లో ముసలమ్మ ఎందుకుంది?చిన్నప్పటి సంగతులన్నీ గుర్తొచ్చాయి.ఇంధ్రదనస్సు చూసి చాలా ఆనందించేవాళ్ళం.వర్షం పడినప్పుడు పడవల్ని చేసేవాళ్ళం.ఇంద్రధనుస్సు రంగుల కధ చాలా బావుంది.

  2. padmarpita says:

    నాకు కూడా భలే ఇష్టం:-)

  3. rajani says:

    adbhtam ga undi praveena garu..Chinnappudu arubayata padukoni aa anatamaina aakasanni chustu ascharyapoyina rojulu, allukunna kadalu..aa anadam gurutu techaru. ipudu..nakshatralani chusi enni rojulu ayindo..aakasam vaipu chuse teerika edi? Thanks for a lovely poem.

    • అవును రజని గారు, చిన్నప్పుడు ఆరుబయట పొడుకుని ఆకాశం వైపు చూస్తూ, నక్షత్రాలు లెక్కపెడుతూ నిద్రలోకి జారుకోవటం ఎంత అధ్బుతమైన అనుభవమో కదూ. వెన్నెలను చూసి ఎన్నాళ్ళయిందో? ధన్యవాదాలు

  4. paddu says:

    అందాన్ని మించిన అనంతాన్ని …
    ఆ అనంతంలో ఇమిడీకృతమY న అందానికి ప్రతీక ఐనా ఆకాశం అంటే నాకు కూడా చాల చాలా ఇష్టం ప్రవీణ గారు …

  5. Anonymous says:

    అవీ చీకటి తెరకు జాబిలిని తగిలించి నక్షత్రాలను జల్లినట్టు వెన్నెలను కురిపించే రాత్రుళ్ళు………ప్రవీణ గారు …

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s