ఓ విజయం

ఓ విజయం

ఓ విజయం
రారమ్మని ముద్దు ముద్దుగా పిలిచింది.
ఎగురుకుంటూ హుషారుగా పరుగెత్తాను.
నన్నే చూస్తూ కవ్విస్తూ
వెనువెనుకకు అడుగులు వేసింది…..
బుంగమూతి పెట్టి
దొంగ చూపులు చూస్తూ
నేనూ అడుగులు వేసాను నవ్వుకుంటూ.
అందలేదు..దోబూచులాడుతుంది…
ఇక..ఉక్రోషం తన్నుకొస్తుంది
వేగం పెంచాను
అయినా అందదే
దుఖం పొంగుకొచ్చింది
పరుగాపలేదు..
ఓపిక తగ్గుతుంది
నీరసం వస్తుంది
..
..
..
..
ఇంతలో
ఏమూల నుంచి వచ్చిందో
అపురూపంగా నా చెయ్యందుకుని
కౌగిలించుకుంది…విజయం.
అదృష్టమన్నారు కొందరు!
కష్టార్జితమన్నారు మరి కొందరు!
నాకు మాత్రమే తెలుసు
ఆ చెమట చిక్కతనము
ఆ కౌగిలి కమ్మతనము…