జీవితం

జీవితం

కాలం,
సముద్రపుటొడ్డున ఇసుక రేణువులతో,
గూడు కట్టి దారి చేసినా,
పిడికిలిలో బిగించి విసిరేసినా,
అలలలో కలిసిపోఏవే,
జ్ఞాపకాలను మాత్రమే మిగులుస్తూ……..

జ్ఞాపకాలు,
కరిగిపోని పులకరింతలు కొన్ని,
కరుడుగట్టిన కన్నీటి గాధలు మరికొన్ని,
కొన్ని మరికొన్ని అన్నీ,
అనుభవాల శఖలాలే…….

అనుభవాలు,
పాఠాల సూక్తులలో,
గునపాఠాల పోటులు,
జీవన మార్గపు ఎత్తుపల్లాల,
అధిరోహణ అవరోహణ,
ఆశాప్రయాశల ప్రయాణపు మజిలీలు…..

ప్రయాణం,
దిక్సూచి సాయంతో,
తెరచాప తోడుతో,
గమ్యపు నిరంతరాన్వేషణ…..

గమ్యం,
కాలం ప్రయాణంలో మిగిలిన అనుభవాల జ్ఞాపకాలు….జీవితం