అందమైన జీవితం

అందమైన జీవితం

ఎంత మధురంగా ఉందో,
గడిపిన క్షణ కాలమయినా,
ఆనందాన్ని దోసిళ్ళలో నింపుకుని,
సంతోషాన్ని మనసారా తాగినట్టు.

ఎంత ఆత్మీయంగా ఉందో,  
నాలుగు పలుకులే పలికినా,
ప్రేమను నింపి,
భావుకత్వాన్ని కలగలిపి,
భావాన్ని మనసారా ఆస్వాదించినట్టు.

ఎంత తృప్తిగా ఉందో,
లీలగా ఆలకిస్తున్నా,
లయలో లీనమయి,
గానంలో గొంతు కలిపి,
జీవనరాగం మనసారా నింపుకున్నట్టు.

ఎంత కమ్మగా ఉందో,
కన్నీటి చుక్కలే కార్చినా,
కడిగిన ముత్యంలా మెరిసే,
మనసు లోగిలిలో,
పురివిప్పిన అనుభూతుల చిట్టా,
ఎంతని విప్పి చెప్పను?
జీవన ప్రవాహంలో కలిసిన పిల్ల కాలువను…