ప్రేమా, నువ్వు వెళ్ళాక….

ప్రేమా, నువ్వు వెళ్ళాక….

 

ప్రేమా,

నువ్వు నన్ను వదిలి వెళ్ళాక,

నేనేమి ఏడుస్తూ కుర్చోలా,

కంటి తడిని దాచేస్తూ తిరిగేసా అంతే,

గుండె ఆగి మరణించలా,

మనసు భారమై బతికేసా అంతే,

ఆకలి దప్పికలు ఆగిపోలా,

తిన్నది సహించలా అంతే,

రాత్రిళ్ళు నిద్ర ఆగలా,

కలతే నిద్రయ్యింది అంతే,

వింతగా డబ్బేమి చేదవలా,

అవసరం చేదుగా దిగమింగడమయ్యింది అంతే,

చుట్టూ లోకం ఆగిపోలా,

ఆగింది నేను మాత్రమే అంతే,

ఋతువులు, కాలాలు రోధించలా,

రోధనను నాలో మిగిల్చాయి అంతే,

అవసరాలు తీరిపోలా,

ఆనందం పారిపోయింది అంతే,

నువ్వే లోకం అనుకున్నా,

ఇప్పుడు లోకంలో పడుతున్నా అంతే!