సూరీడుతో పరుగు పందెం..గెలుపు నాదే 🙂
ఉదయం:
గోరు వెచ్చటి సూరీడు నునులేత కిరణాలతో మేలుకొలుపు,
మరోరోజు కోసం ఉత్సాహంగా ఉల్లాసంగా వేలుకోలుపు,
పొగమంచును చీల్చుకుంటూ ధరణిని చేరే వెలుగు రేఖలు,
కష్టాలను ఎదురుకుంటూ విజయాలను వరించే ప్రయత్నాలు.
మధ్యాహ్నం:
వేడెక్కిన సూరీడు నిప్పులు చెరుగుతున్న మిట్ట మధ్యాహ్నం,
గమ్యం చేరటానికి శ్రమతో కారుతున్న స్వేదం,
ఆవిరవుతున్న నీటిమట్టాలు,
అలసిపోతున్న దేహాలు.
సాయంత్రం:
చల్లబడ్డ సూరీడు చిరుగాలులను స్వాగతిస్తూ,
వీడ్కోలు పలికే సాయం సమయం,
విజయం దరిచేరి, వినయం చెంతన, సేదతీరే స్వేదం,
మరో రోజు కోసం మరి సిద్ధం.
End of the day:
సూర్యుడితో పరుగు పందెం,
చందమామ సాక్ష్యం,
గెలుపు వరించిన వైనం,
తారలు జల్లిన ప్రసంశల వర్షం,
ఆకాశం చరిచిన చప్పట్లు.
You may like : అనుదినం అన్నీ విజయాలే విజయాలు
ఆలోచనలు... 