మన భారతం! అటువైపు అలా..ఇటు వైపు ఇలా…

మన భారతం! అటువైపు అలా..ఇటు వైపు ఇలా…

తిండి:

• అటువైపెటో పూరి గుడిసెల్లో ఆకలి తీరని పేద కడుపుల ప్రేగు అరుపులు,

• ఇటువైపెటో నక్షత్రాల హోటల్లో ఖరీదైన పింగాణి పాత్రల్లో వదిలేసినా ఆహారాన్ని చెత్త కుప్పల్లో పడేస్తూ వెండి చెంచాలు చేస్తున్న శబ్దాలు.

బట్ట:

• అటువైపెటో చిరిగిన బట్టలు కుట్టుకుంటూ, మళ్ళి మళ్లీ కుట్టుకుంటూ, అరకొర దుస్తులతో శరీరాన్ని దాచుకునే ప్రయత్నం,

• ఇటువైపెటో fashion కోసం jeans pants కత్తిరించుకుంటూ, చిన్నచితక గుడ్డలతో శరీరాన్ని బహిర్గత పరిచే ప్రయత్నం.

గూడు:

• అటువైపెటో చెత్త కుప్పల చెంతన, రైలు కట్టల పక్కన , ఊరి పొలిమేరలలో ఎండా వానలకు తాలలేని పూరి గుడిసెల నివాసాలు,

• ఇటువైపెటో ఫోష్ ఏరియాలల్లో చలువరాతి రాళ్ళు పొదిగి, సకల సౌఖర్యాలు కూర్చి, ఎండా వానలకు సబంధం లేని రాజభవనాల నివాసాలు.

చదువు:

• అటువైపెటో సర్కారీ బళ్ళలో అర్ధాకలి కడుపులతో నేలపై కూలబడి, చీమిడి ముక్కులు ఎగచీదుతూ, పంతులు గారు నల్ల బోర్డుపై రాసే అక్షరాల వైపు బేలగా చూస్తున్న చూపులు,

• ఇటువైపెటో concept school లో, ఆధునిక సౌఖర్యాలతో, కుషను కుర్చీలలో ఆశీనులై, టీచర్ గారు present చేస్తున్న animated power point slides వైపు నిశితంగా చూస్తున్న చూపులు.

miscellaneous:

• అటువైపెటో ఫ్యాక్టరీ జీతగాళ్ళు తాగే నీరు, పీల్చే గాలి వ్యర్ధాల కలుషితం,

• ఇటువైపెటో ఫ్యాక్టరీ యజమానులు తాగే నీరు, పీల్చే గాలి purifier లో పరిశుద్ధం.

• అటువైపెటో బండ్రోతు కొడుకు బండ్రోతు, బండ్రోతు మనవడు బండ్రోతు,

• ఇటువైపెటో వంశపారంపర్య సర్వాధికారం, యజమాని మునిమనవడు యజమాని.

• అటువైపెటో పౌరుల ధిక్కార స్వరం,

• ఇటువైపెటో ధిక్కారాన్ని అనగొట్టే అధికారం.

మన భారతం! అటువైపు అలా..ఇటు వైపు ఇలా…

నడుమ బాగుపడే దళారుల వేట పంట….

Note: ఈ photos అన్నీ google లో search చేసి copy చేసినవి. ఎవరికన్నా అభ్యంతరాలు ఉంటే తొలిగించబడును..