నా కష్టం..నాదే

నా కష్టం,
అక్షరాలా నాది మాత్రమే,
వేరొకరెవ్వరిదీ కానే కాదు,
మరెవ్వరూ తీర్చనే తీర్చలేరు.

ఓదార్పు పలకరింపులు,
ఆదుకుంటామన్న వాగ్ధానాలు,
మేమున్నామన్న వచనాలు,
కాలగమనంలో కలిసిపోయేవే.

ఎవరికి ఎవరు సాయం?
ఎవరి బాధలు వారివే,
తోటివారి కష్టసుఖాలు కనిపెట్టుకునే,
తీరిక ఉందా నేటి తరంలో?
కాస్త తీరితే నిద్ర పోదామనుకునే నేటి రోజుల్లో,
ఎవరినీ తప్పుపట్టలేని కాలమిది.

ఉమ్మడి కుటుంబాలు,
చీకులేని చిన్న కుటుంబాలుగా,
కుంచించుకు పోయిన  నేటి తరం!
బరువు బాధ్యతలు,
బంధాలు లేని ఒంటరి మనిషిగా,
కృశించుకుపోదా రేపటి తరం?
ఆ రోజు ఎంతో దూరంలో లేదు…..